An Hini a garan

An Hini A Garan, Gwechall, bihan er gêr,

Pa oamp tostig an eil, An eil ouzh egile,

Va c'halon ne gare, Ne gare nemet unan,

Pa oan bihan en gêr, An Hini A Garan!



An Hini A Garan, Gwezharall ma c'hare,

Kanañ a rae pa ganen, Pa ouelen e ouele,

Hon div galon ne raent, Ne raent nemed unan,

Pa oan bihan er gêr An Hini A Garan



An Hini A Garan, Bremañ, he deus ma laosket

Aet eo d'ar broioù pell, D'ur vro n'anavezan ket

Aet eo d'ar broioù pell, Da c'hounit he bara

Kollet, kollet eo din An Hini A Garan



D'An Hini A Garan, Ne ran nemet huanadiñ

Huanadiñ noz ha deiz, Deiz ha noz hirvoudiñ

Rak-se em eus savet ha rak-se e kanan

Kanennig ma c'halon d'An Hini A Garan.